іс -шара

«АЛТЫН КҮЗ-2025»  

14 қараша күні №131 Т.Қозыбаев атындағы орта мектебінде жыл сайын дәстүрлі түрде өткізілетін «Алтын күз-2025 » байқауы өткізілді.

Бұл шараның негізгі мақсаты – күздің көркем келбетін насихаттау, оқушылардың шығармашылық қабілеттерін, өнері мен талантын таныту, сондай-ақ эстетикалық талғамы мен сахна мәдениетін дамыту болды.

Байқау 5 кезеңнен тұрды.

1.Кел,танысайық!

2.Өнерлі өрендер

3.Күз сыйы

4.Театр көрмесі

5.Күзгі сән үлгісі

Байқау барысында қатысушылар ерекше дайындықпен келіп, түрлі бағыттағы өнерлерін паш етті. Олар сәнді күзгі киім үлгілерін көрсетіп, өз қолдарымен жасаған бұйымдарын ұсынды, ән мен би орындап, көңілді көріністер мен әсерлі қойылымдар арқылы көрермендерге көтеріңкі көңіл-күй сыйлады.

Кеш соңында қазылар алқасының шешімімен 10 сынып оқушылары Нұржанұлы Нұрбек пен Бақытқызы Инабат «Күз ханзадасы мен ханшайымы» атанып, Бас жүлдемен марапатталды. 

9 а сыныбы I орын, 8 «б»,9 «б» сыныптары II орынды иеленсе, 8 «а» сыныбы III орынды қанжығалады.

 «Алтын күз-2025» байқауы оқушылардың ұйымшылдығын арттырып, білім алушылардың бойында туған жер табиғатына, еңбек пен әсемдікке деген сүйіспеншілікті қалыптастырды.