жетістік

«ПЕДАГОГИКАЛЫҚ ИДЕЯЛАР ФЕСТИВАЛІ – 2025» ЖЕҢІМПАЗЫ!
    2025 жылдың 14 қазан күні №36 Ә. Тәжібаев атындағы мектеп-лицей базасында аудандық білім бөлімінің әдістемелік кабинетінің ұйымдастыруымен республикалық «Педагогикалық идеялар фестивалі – 2025» байқауының аудандық кезеңі өтті.
    Байқаудың мақсаты – білім сапасын арттыруға бағытталған тиімді оқыту әдістемелері мен инновациялық технологияларды насихаттау, ұстаздардың шығармашылық әлеуетін ашу және озық тәжірибе алмасуға мүмкіндік жасау.
    Осы байқауда №131 Т. Қозыбаев атындағы орта мектептің информатика пәні мұғалімі Нұрғалиева Ақерке «Сабақ аяқталған соң» бағыты бойынша жүлделі І орын иеленіп, облыстық кезеңге жолдама алды!
     Ақеркені шын жүректен құттықтаймыз! Алда өтетін облыстық кезеңде сәттілік пен жарқын жеңістер тілейміз!