іс -шара

"ҰСТАЗ-МӘҢГІЛІК ҰЛЫЛЫҚТЫҢ ИЕСІ"   МЕРЕКЕЛІК ЛЕЗДЕМЕ
   3 қазан күні ұстаздар мерекесіне орай 11-сынып оқушыларының ұйымдастыруымен "Ұстаз - мәңгілік ұлылықтың иесі" тақарыбында мерекелік іс-шара өткізілді.   Іс-шараның басты мақсаты — ұлағатты ұстаздарға алғыс айтып, еңбектерін дәріптеу және мерекелік көңіл күй сыйлау болды. Мектеп директоры Қожахметов Дархан және Директордың оқу ісі жөніндегі орынбасары Нұрымова Жұмакүл құттықтау сөз сөйлеп, ұстаздарға жылы лебіздерін білдіріп, мерекелік шараны ресми түрде ашып берді. 
   Оқушылар мерекелік өлеңдер оқып, ұстаздарға арнап жылы лебіздерін білдіріп, гүл шоқтары табысталды.  Мұғалімдерге арналған әндер шырқап, би биледі және қызықты көріністер қойды. Сонымен қатар, ұстаздарға арнап арнайы бейнеролик пен құттықтау слайдтары ұсынылды.
    Іс-шара жоғары деңгейде ұйымдастырылып, ұстаздардың көңілінен шықты. Мереке соңында мектеп әкімшілігі 11-сынып оқушыларына алғыс білдірді.
 Мерекелік іс-шара ұстаздарға құрмет көрсетудің тамаша үлгісі болды және мектеп ұжымына көтеріңкі көңіл күй сыйлады.