іс-шара

Т.ҚОЗЫБАЕВ АТЫНДАҒЫ №131 МЕКТЕПТЕ «АДАЛ АДАМ- АДАЛ ЕҢБЕК» ТАҚЫРЫБЫНДА КЕЗДЕСУ ӨТТІ

Іс- шараға Сырдария аудандық «Ақсақалдар» кеңесінің төрағасы, ҚР Мәдениет саласының үздігі, Сырдария ауданының Құрметті азаматы Сәдуақасұлы Сандыбай, аудандық Аналар кеңесінің төрайымы, ҚР «Құрмет» төсбелгісінің иегері, Сырдария ауданының Құрметті азаматы Өтегенова Балшекер Сұлтанбекқызы қатысты. 

Кездесу барысында қоғам тұрақтылығын сақтау, ел ішіндегі бірлік пен өзара сыйластықты арттыру, жастар тәрбиесі, әлеуметтік желілердегі ұлтаралық араздықты қоздыруға жол бермеу сынды маңызды мәселелер талқыланды. 

Сондай- ақ, спикерлер адалдықтың әрбір азаматтың өміріндегі рөліне тоқталып, еңбекқорлық пен шынайылық қоғамдағы тұрақтылық пен дамудың негізгі құндылықтары екенін атап өтті. 

 Қатысушылар ортақ пікір алмасып, шара соңында бүгінде ел ағасы Сандыбай ағайымыз жас ұрпаққа ақ батасын берді.